නිෂා බිස්වාල් එයි.

      ශ්‍රි ලoකාව හා ඇමෙරිකාව අතර ද්විපාර්ශිවික සහයෝගිතාව වර්ධනය කිරීමේ අරමුණින් දකුණු හා මධ්‍යම ආසියානු කටයුතු පිළිබඳ අමෙරිකානු සහකාර රාජ්‍ය ලේකම් නිෂා බිස්වාල් මහත්මිය ඊයේ සවස මෙරටට පැමිණියාය. 

කලාපයේ සේවිකාවකට අයුතු දඬුවම්

          කටුනායක ආයෝජන ප්‍රවර්ධන කලාපයේ සේවිකාවකට අයුතු යෝජනාවක් හා ප්‍රසිද්ධියේ අපහාස කල සේවකයෙකු පොලීසියේදී වරද පිළිගෙන සිටියදී ඔහුට දඬුවම් නොකර අදාල සේවිකාවගේ රැකියාව අහිමි කර ඇත. ආයතන පරිශ්‍රය තුලදී මෙම අපහාසය කල සේවකයාට අදාල සේවිකාව පහර දුන්නේ යැයි චෝදනාව මත ආයතන පරිපාලනය මෙම සේවිකාව රැකියාවෙන් ඉවත් කල බව සඳහන් ලිපියක් සේවිකාවට ලබා දී ඇත. ඇය එම ලිපිය බාර ගැනීම ප්‍රතික්ෂේප කිරීම නිසා එම ලිපිය ඇයගේ පුද්ගලික ලිපිනයට යවන බව දන්වා ඇයගේ ආයතන හැඳුනුම් පත ආයතන පරිපාලන ලබාගෙන ආයතනයෙන් පිටමන් කර ඇතිබව එහි සේවකයෙක් කීය.

      මෙම ආයතනය, යුරෝපය, ඇමෙරිකාව ඇතුළු විවිධ රටවලට රබර් අත් වැසුම් අපණයනය කරන කටුනායක වෙළඳ කලාපයේ පිහිටි සමාගමකි.

කටුනායක කලාපේ හෙට පාරට

              ආයෝජන මණ්ඩලය යටතේ පවතින නිදහස් වෙළඳ කලාප පාලනය පෞද්ගලික සමාගම් වලට පැවරීම, පෞද්ගලික අoශයට පොරොන්දුවූ 2500 වැඩිවීම මේ දක්වා නීතිගත නොකිරීම පැය 8 ක වැඩ දිනය අහෝසි කිරීම ඇතුළු අයවැය යොජනා වලට එරෙහිව කටුනායක නිදහස් වෙළඳ කලාප සේවක සේවිකාවෝ  කටුනායකදී හා යක්කල පොලිටෙක්ස් සේවක සේවිකාවෝ යක්කලදී හෙට 14 උදෑසන විරෝධතා අරඹන බව නිදහස් වෙළඳ කලාප හා පොදු සේවා සේවක සoගමය කියයි.

   මේ වනවිට කටුනායක කලාප සේවක පිරිස් විරෝධතා පාඨ ඇතුලත් පෝස්ටර් නිර්මාණය කරමින් සිටිති

අපි මහින්ද රාජපක්ෂ ජනාධිපතිතුමාට බය වුනේ නෑ

1.                                          

• අපි මහින්ද රාජපක්ෂ ජනාධිපතිතුමාට බය වුනේ නෑ ගරු කලා වර්තමාන ඇමතිතුමාටත් බය නෑ ගරු කරනවා යැයි ගුවන් තොටුපොළ හා සේවා සමාගමේ නිදහස් සේවක සoගමයේ සබාපති එම් ඩබ් බී මුහන්දිරම් ගුවන් තොටුපොළ සේවකයින් අමතා පැවසීය.
• 
  
• ගුවන් තොටුපොළ සමාගමේ සේවකයින්ගේ ප්‍රවාහන සේවය කිලෝ මීටර 50 දක්වා අඩු කිර්‍රිම, ප්‍රසාද දීමනා මුදල සීමාකිරීම ඇතුළු ගුවන් තොටුපොළ සේවක අයිතිවාසික කප්පාදු කිරීමට ගුවන් සේවා ඇමතිවරය ගෙන ඇති තීරන පිළිබඳව සේවකයි දැනුවත් කිරීමේ රැස්වීමක් අමතා ඔහු ඉකුත් දා එසේ කීය
• 
  
• ඉල්ල්ලීම ගණනාවක් ලබාදෙන ලෙස ඉල්ලා ප්‍රවාහන හා ගුවන් සේවා ඇමති නිමල් සිරිපාල ද සිල්වා මහතාට ලිපියක් මගින් ඉල්ලීම් කර ඇති බව පවසන මුහන්දිරම් ප්‍රතිචාර අයහපත් වන්නෙ නම් දෙසැම්බර් 15 වන දා සිට සේවක විරෝධතා ආරම්භ කරන බව පවසයි.

                               

ධාතූන් වහන්සේලා මෙරටට

මයිගණ රජ මහා විහාරයේ සිට තායිලන්තයේ බුද්ධාමන්තාන් විහාරයට එරට ජනතාවට වන්දනා කිරීමට රැගෙන ගිය ධාතූන් වහන්සේලා ඊයේ මෙරටට වැඩම කරවන ලදී. එරට උප අගමැති Wissanu Krea-ngam  මහතා ඇතුළු විශේෂ දූත පිරිසක් ධාතූන් වහන්සේලා වැඩමවීමට මෙරටට පැමිණියහ.

කවදද මින්පෙර කහ කොඩි නැගුනේ

                 පන්සල පල්ලිය කෝවිල මුදුනේ

               කවදද මින්පෙර කහ කොඩි නැගුනේ

                 ඔබ කල සේවයටම හිමි සඳුනේ

               සියළු දනන් නෙත කඳුලින් තෙමුනේ

කර්ණාටක බෞද්ධ වන්දනා කණ්ඩායමක්

ඉන්දියාවේ කර්ණාටක ප්‍රාන්තයේ බෞද්ධ වන්දනා කණ්ඩායමක් ඊයේ 28 මෙරට වන්දනා සoචාරයක් සඳහා පැමිණියේය.ඉන්දීය ජාතික පූජ්‍ය භන්තේ වරජෝති (Ven.Bhante Varajyoti ) හිමියන්ගේ නායකත්වයෙන් පැමිණි මෙම කණ්ඩායම දළදා මාළිගය කැළණිය ඇතුළු අනුරාධපුර අටමස්ථානය ඇතුළු මෙරට පූජනීය ස්ථාන වන්දනා කිරීමට නියමිතයි.

අමාලීට සම්මාන

ඇදුමෙන් පැළඳුමෙන් තම හැකියාවෙන්

පරදා නන්දෙසින් ආ රූ රැජිණන්

දිනූ සම්මාන අරගෙන සුරතින්

ඈ පැමිණියා මව් රට අභිමානෙන්

පිලිපීනයේ පැවති ගෝලීය රූ රැජින 2015 තරඟාවළියේදී හොඳම ජාත්‍යන්තර ඇඳුම් පැළඳුම් සම්මානය හා දක්ෂම කුසලතා නිරූපිකාවන් තිදෙනා අතරට තේරීපත්වූ අමාලී  ඉන්දීවරී මව්බිමට පැමිණියාය. කැනඩාව, එoගලන්තය, නෝර්වේ, පෝලන්තය,  ඇමෙරිකාව, ජපානය, ජර්මනිය, ඉතාලිය, කැනඩාව ඇතුළු රටවල් රැසක තරඟකාරියෝ  50 ක් පමණ මෙම තරඟාවලියට සහභාගීවූහ.අමාලී ඉන්දීවරී, Amaali with Stars නර්තන කණ්ඩායමේ නායිකාවවේ.

                                                                                                                                                            ඡායාරූපය  -  ගුවන් තොටුපොළ  -  කුමාරසිරි ප්‍රසාද්

http://hottimesasia.com/2015/10/26/miss-global-2015-best-national-costume-best-talent-amalie-indeewari/

මරණ දඩුවම

        රට පුරා පිළිලයක්ව ඇති කාන්තා හා ළමා දූෂණ හා ඝාතන මර්ධනයට මරණ දඩුවම ක්‍රියාත්මක කරන ලෙස ඉල්ලා බෞද්ධ භික්ෂූණ් වහන්සේ පෙරටු කොටගත් කටුනායක ආඩිඅම්බලම ප්‍රදේශයේ    ජනතාව උද්ගෝශණය කරමින් විරෝධතාවක නිරතවූහ. ආඩිඅම්බලම සමගි  ත්‍රිරෝද රථ සoගමය මෙම විරෝධතාව සoවිධානය කල අතර ප්‍රදේශයේ ජනතාව  සමග දැවමොට්ටාව අභයරාජ විහාරයේ විහාරාධිපති දැවමොට්ටාවේ මලියදේව,සන්සයිඩ්වත්ත      සිරිසුමoගල විහාරයේ විහාරාධිපති දැවමොට්ටාවේ සුමoගල හිමිවරු මෙම අවස්ථාවට සහභාගීවූහ.

රතු පස්වල බ්‍රිගේඩියර්

       රතු පස්වල ජනතාව ජලය ඉල්ලා කල උද්ගෝෂණ‍ය්දී වෙඩිතැබීමට අණ දුන් බ්‍රිගේඩියර් දේශප්‍රිය ගුණවර්ධන මහතා තනිවම ගුවන් තොටුපොළින් පිටව ගිය බව පොලිස් නිළධාරියෙක් පැවසීය. ගුවන් තොටුපොළේ පිටුපස දොරටුවකින් ඔහු පලාගිය බවට ඇතැම් මාධ්‍ය වල පලවූ වාර්තා අසත්‍ය බව ඔහු වැඩිදුරටත්  පැවසීය.

උදෑසන අටට කටාර් සිට බ්‍රිගේඩියර් දේශප්‍රිය ගුණවර්ධන මහතා පැමිණෙන බව කියමින් තෙරි පැහැ සිරිධම්ම හිමි ඇතුළු පිරිසක් කටුනායක ගුවන් තොටුපොළ ඉදිරිපිට බුදු පිළිමය ඉදිරිපිට විරෝධතාවක නිරතවූහ.

සමාජ සුභසාධන නියෝජ්‍ය ඇමති රන්ජන් රාමනායක මහතා දුන් දුරකථන ඇමතුමකට අනුව සිරිධම්ම හිමි ඇතුළු පිරිස විසිර ගිය බව පොලිස් නිළධාරියෙක් පැවසීය.බ්‍රිගේඩියර් දේශප්‍රිය ගුණවර්ධන මහතා ගුවන් තොටුපොළින් පිටව යන අවස්ථාවේ රතුපස්වල ජනතාව හෝ සිරිධම්ම හිමියෝ ගුවන් තොටුපොළේ නොසිටි බව ඔහු වැඩිදුරටත් පැවසීය.

බ්‍රිගේඩියර් දේශප්‍රිය ගුණවර්ධන මහතා රතුපස්වල ජනතාව මගහැර පිටුපස දොරටුවකින් පලාගිය බවට ඇතැම් මාධ්‍ය වාර්තා පිළිබදව අදහස් දැක්වූ ගුවන් තොටුපොළේ නිළධාරියෙක් ගුවන් මගීන්ට රටට ඇතුළුවීමට පිටුපස දොරටු හෝ රහස් දොරටු නොමැති බවත් රටට පැමිණෙන ගුවන් මගීන් ආගමන කටයුතු නිමකර රේගු පරීක්ෂණ වලින් පසු නිෂ්චිත දොරටු වලින් පමණක් ගුවන් තොටුපොළි පිටවිය යුතු බව  පැවසීය.