Monday, December 18, 2017

සතුන් ලඟත් කරුණා ගුණ ඇති සැටියා




බඩ ගිනි වෙලා ආ ගෙදරට මුගටියා 
තම බත්පතින් කන හැටි බලමින් හිටියා
දිය යුතු කෙනාටම දන් දෙන අරුත කියා
සතුන් ලඟත් කරුණා ගුණ ඇති සැටියා





Monday, December 11, 2017

යුධ බිම සරසන රූබර සුහද ළඳේ




දෑතට අවි ගෙන යුධ බිම සරසන රූබර සුහද ළඳේ

හමු නොවුනාමුත් ඔබ ගැන නිඹඳව මගෙ සිත තුල රැව්දේ

යුද බිය නොමැතිව සාමයේ ජය දද මගෙ රට තුල ලෙලදේ

පන්සල් යන්නට දෙවියන් වැඳුම්ට මෙහි එනු මැන සඹඳේ

අපේ රටේ ත්‍රිවිධ හමුදාව රටේ මුර දේවතාවුන් වෙලා ත්‍රස්තවාදයෙන් රට බේරා ගත්තා ඒ වුනත් ලෝකයේ තවමත් යුද්ධ තිබෙනවා සාමය ආරක්ෂා කරන්න විවිධ රටව්ල හමුදා සෙබළු සෙබලියෝ කාන්තාර වල ගිරි දුර්ග වල සාමය වෙනුවෙන් දුක් විඳිනවා යුද බිම අවි ගෙන මව්බිමෙන් දුර ඈත රාජකාරි  කරන මේ ඇමෙරිකන් සෙබලියන්ගේ පිතූරේ දැකලා මම ලියපු කවිය තමා මේ 

Monday, December 4, 2017

මිනිසුන් නොදනී ඔබ ගැන හරියට තාම


දුක් කරදර සහිත ජීවිතයේ හැමදාම
සතුටයි සොයන්නේ එනමුදු ලතවීම
සතුට සොයා යන මග ගැන කීම
මිනිසුන් නොදනී ඔබ ගැන හරියට තාම

             ජපානයේ උතුම් අධ්‍යාත්මික නායකයා ලෙස පිදුම් ලැබූ කියුසෙයුෂු මෙයුසුසාමාතුමාණන් ලෝක සත්වයා දුප්පත් කමින්  ගැටුම් වලින් හා  ලෙඩරෝග වලින් ගලවා ගැනීම්ට මග කියාදුන්හ. ජෝරෙයි විශ්ව ශක්ති ආශීර්වාද, කියුසෙයි ස්වභාවික ගොවිතැන හා ඉකෙබානා සන්ගෙත්සු මල් කලාව මෙතුමාණන් ලොවට දායාද කර ඇත.

https://en.wikipedia.org/wiki/Mokichi_Okada

Monday, November 27, 2017

ලෝකෙට ප්‍රරකාසේ ගෙදරට මරගාතේ



                          රටේ සමාජය තුල යම් යම් දේවල් කරන බව ප්‍රකශ කලත් තමන් ලඟ යම් යම් ගුණ තියෙනවා කිව්වත් ඒවා තමා ලඟ තමන්ගේ ගෙදර නැති අය ගැන  අපේ වැඩිහිටියෝ කිව් කියමනක් තමා මේ 


                        ඇත්තම කියනවා නම් රාළත් මේ වගේ කියලා රාළට පසිගිය කාලේ හිතුණා රාළ ස්වභාවික ගොවිතැන ගැන කිය කියා මිනිස්සුන්ට ගොවිතැන කරන්න උනන්දු කලාට රාළටම කියලා ගෙවත්තක් තිබුණේ නෑ අනුන්ගේ ගෙවතු වල ස්වභාවික ගොවිතැන කරන්න ගිහින් රාළ නහුතෙටම ඇනගත්තා වෙච්ච දේවල් ගැන එක එක තැන් වල කිය කිය යනවට වැඩිය  බුදුන්ට දෙවියන්ට කියනක එක හොඳ නිසා විශ්වයේ ඉහළම දෙවියන්ට වාර්තා කරලා සමාව ගත්තා 

                      අවුරුදු 25 කටත් වැඩි කාලයක් රාළ අත්හැරලා තිබුණ රාළට පය ගහන්නවත් බැරිව තිබුණ ඉඩමක දෙවියන්ගේ ආශීර්වාදයෙන් රාළ ස්වභාවික ගොවිතැන පටන් ගත්තා  ඉස්සෙල්ලම කොලේ කොල රොඩු එකතු කරලා කොම්පෝස්ට් පොහොර හදන එක හිතුවටත් වැඩිය සාර්ථකයි ගෙවත්තක් හදන ගමන් රාළ අලුත් ගෙයකුත් හදන්නයි හිතන් ඉන්නෙ



                       අපි වවමු රට හදමු කියලා ගිය ආණ්ඩුවෙ වැඩ සටහනක් තිබුණා වස විස නැති ගොතැන වර්තමාන යහපාලන ආණ්ඩුවෙ ක්‍රියා පරිපාටිය ඊළඟට එන ආණ්ඩුවෙන් මොන වගෙ ගොවිතැනක් කරයිද දන්නේ නෑ


           ඒ වුනාට රාළ කරන්නේ කියුසෙයි ගොවිතැන ඒක කවදාවත් වෙනස් වෙන්නේ නෑ කියුසෙයි කියන්නේ ජපන් වචනයක් මේ ගොවිතැන ගැන රාළ ඉදිරියෙදි ලියනවා

Thursday, November 16, 2017

වස විස නැති ගොවිතැන සමග ජනසිත සනසන මල් කලාව


වස විස අහර ගැනුමෙන් ලෙඩ වෙන බව පවසමිනේ
ගොවිතැන විස නැතුව කරනට කියමින්නේ
මල් කලාවෙන් ජනසිත් පුබුදමිනේ
ඔබ දෙසූ මග යන දන සුවපත් වන්නේ

ජපානයේ උතුම් අධ්‍යාත්මික නායකයාණන් වූ මෙයුසුසාමා තුමන් ලොවට හඳුන්වා දුන් කියුසෙයි ස්වභාවික ගොවිතැන ශ්‍රී ලන්කාව තුල ක්‍රියාත්මක කෙරේ. වස විසෙන් තොර ආහාර පරිභෝජනය කිරිමෙන් නිරෝගී සමාජයක් ගොඩනැගිය හැකි බවත් අහාර කඳු ගණන් තිබුණද වස විස නිසා පරිභෝජනයට නොහැකි වන බව එතුමන් දේශණා කර ඇත.
ජනතා සිත් සතන් සුවපත් කරනට ඉකෙබානා සන්ගෙත්සු මල් කලාව හඳුන්වා දෙමින් එතුමන් අධ්‍යාත්මික ජීවිතයක් ගත කිරීමට මග පෙන්වා ඇත.




වඩුවගෙ ගෙදර පුටුව



                       වඩුවගෙ ගෙදර පුටුව නෑ කියල කියමනක් අපේ ජන වහරේ තිබුනා වඩුවා කොතරම් ලී බඩු පුටු හැදුවත් එයගේ ගෙදර ට පුටුවක් හදා ගන්න අපොහොසත් වීම මේ කියමනේ මූලික අදහස ඒ වගේම තමන් යම් කාර්යක් කලත් රටට යහපතක් වුනත් තමන්ට ඒ දෙය අහිමිවීම පොදුවේ දක්නට ලැබෙන කාරණයක්

                          රාළටත් ඔය වගේ අත් දැකීම් තියෙනවා රාළ ඡායාරූප ශිල්පියෙක් වෙලා හිටියා ඒ වගෙම කලු සුදු වර්ණ ඡායාරූප මුද්‍රණ ශිල්පියෙක් වෙලා හිටියා ඒ වුනාට මගුල් ෆොටො එකක් රාළට තිබුනේ නෑ 
           ඒ වගේම තමා කව්රුහරි ඉල්ලුවොත් රාළට දෙන්න හරි හමන් ෆොටො එකකුත් නෑ ඒකත් හරියට අර පුටුවේ කතාව වගේ තමා කොහොම උනත් රාළත් යන යන තැන මීට පස්සේ ෆොටෝ ගහන්න තමා හිතන් ඉන්නේ මෙච්චර කාලයක් රාළ අනුන්ගේ ෆොටො ගැහුවා දැන් රාළගේ ෆොටොත් කාට හරි කියලා ගස්සගන්න කාලයක් තමා ඇවිල්ලා තියෙන්නේ

Monday, November 13, 2017

ලෙඩවීම, කෙලවීම හා සුවවීම




ලෙඩවීම, කෙලවීම හා සුවවීම

ගුවන් තොටුපොළේ ඉඳගෙන නිතරම මාධ්‍යයට තොරතුරු සපයපු රාළට පසුගිය කාලයේ නරක කාලයක් තිබුණේ රාළ ලෙඩ වුනා ඒ වගේම රාළට කෙළවුනා
කොටින්ම කියනවානම් රාළ හිටියේ මහ පාරෙ කිව්ව්ත් වැරදි නෑ
හැමදේම නැතිවෙලා ජීවිතය විතරක් ඉතිරි කරගෙන සුදු කොඩි පෙනි පෙනී සිටි රාළට දෙවියොත් සිහිවුනා 
එහෙම මරණය පෙනි පෙනී සිටි රාළ අද සුවපත් වෙළා උදේ සවස බීපු බටහිර බෙහෙත් බොන්නේ නෑ රාළට තිබුණ අසනීප සුව වෙලා රාළ ආයෙත් ආවා
හැබැයි ඉස්සර වගෙ නෙමේ රාල සුවපත් වුන ක්‍රමයටම තව බොහෝ පිරිසක් සුවපත් කරන ගමනක යන්න ඒ යන ගමන් ඔය මොනවහරි  බහුභූත ටිකක් ලියන්න තමා හිතන් ඉන්නේ..
හදවත් ආබාදයකට ලක්වෙලා හිටිය රාළ සුවපත් වුන ආශීර්වාද කලාව පිළිඹඳව රාළ ඉදිරියේදී ලියනවා
හැම පැත්තෙන්ම ලෙඩවෙලා තියෙන සමාජයකට මේ සුවපත් කිරීමේ කලාව දිව ඔසුවක් වෙයි කියලා රාළ හිතනවා 

Wednesday, September 20, 2017

සවි එසවීමේ ශූරතාවලියේ පදක්කම් දිනූ ක්‍රීඩකයෝ යළි පැමිණෙති





දකුණු අප්‍රිකාවේ පැවැති පොදු රාජ්‍ය මණ්ඩලයීය සවි එසවීමේ ශුරතාවලියේ දී ශ්‍රී ලංකාවට ඉමහත් ගෞරවයක් ගෙනදෙමින් රන්, රිදී සහ ලෝකඩ පදක්කම් දිනූ රන්සිළු ජයතිලකගේ නායකත්වයෙන් යුතු ශ්‍රී ලංකා සවි එසවීමේ කණ්ඩායම ඊයේ (19) යළි දිවයිනට පැමිණියේය. මෙවර ශූරතාවලියේ කැපී පෙනෙන කණ්ඩායමක් බවට පත්වූ ශ්‍රී ලංකා කණ්ඩායම මෙහිදී නව ශ්‍රී ලංකා වාර්තා 3ක් බිහිකිරීමට සමත්වීම විශේෂත්වයකි. එහිදී නායක රන්සිළු ජයතිලක කිලෝග්‍රෑම් 120ට වැඩි බර පන්තියෙන් නව වාර්තා දෙකක් බිහිකළ අතර ඩැරින් වීරසිංහ එම බර පන්තියෙන්ම බෙන්ච්ප්‍රෙස් ඉසව්වෙන් වාර්තාවක් බිහි කිරීමට සමත්විය. පදක්කම් දිනූ ශ්‍රී ලංකා කණ්ඩායම ඊයේ කටුනායක ජාත්‍යන්තර ගුවන්තොටුපලේදී ඉමහත් හරසරින් පිළිගනු ලැබීය. රන්සිළු ජයතිලකගේ නායකත්වයෙන් ශූරතාවලියට එක්වූ ශ්‍රි ලංකා සවි එසවීමේ කණ්ඩායමට ඩැරින් වීරසිංහ, ඒ.එම්.ඩී.කොඩිකාර, ඉන්දික පරණගම, ඩී.කේ.ආර්.ජයතිලක, හේෂාන් දිල්හාර සහ ඔසුර බන්ගමුව ඇතුළත් වූහ.

Thursday, January 5, 2017

තොටුපොළ වසා පථය හදයි












                                                       ජාත්‍යන්තර ගුවන් සේවා සම්මතයන්ට හා ප්‍රමිතීන් ඉකුත්ව ඇති කටුනායක බණ්ඩාරනායක ජාත්යන්තර ගුවන් තොටුපොළේ ගුවන් පථයේ නවීකරණ කටයුතු ප්‍රවාහන හා ගුවන් සේවා ඇමති නිමල් සිරිපාල නියෝජ්‍ය ඇමති අශෝක් අබේසින්හ මහත්වරුන්ගේ ප්‍රධානත්වයෙන් ආරම්බවිය. ජනවාරි 06 දින සිට අප්‍රේල් 6 දින දක්වා උදැසන 8.30 සිට සවස 4.30 දක්වා මාස තුනක කාලයක් දිනකට පැය 8 ක් මෙම ප්‍රතිසoස්කරණ නිසා ගුවන් තොටුපොළ වසා තබන බව ගුවන් තොටුපොළ හා සේවා සමාගම කියයි.